तळं कसं शांत .....
प्रकाशात चमचमणारं,
वाऱ्याच्या झुळकेनी कळेल न कळेलसे हेलकावणारं
तळं कसं प्रौढ समंजस
तळ्याच्या तळाशी काहीतरी घडतंय
उमलतंय, मावळतंय, रुचतंय, खुपतंय,
सतत काहीतरी बदलतंय.
तळं मात्र तरीही शांतच...
मग येतो मुसळधार पाऊस.
तळ्याला अलिप्त राहूच देत नाही.
… आता तळ्याचा तळ, तळं आणि पाऊस सारंच एकरूप .
--वृंदा टिळक
(शब्दगंध सिंगापूर ह्या पुस्तकात प्रकाशित )
No comments:
Post a Comment