सन्मानाची ज्योत पाजळे
बंधुभाव अन ऐक्याचा सारे जपू सन्मान
उच्च स्वराने, अभिमानाने गाऊ या जय गान||
कोणी न राहो येथे वंचित
सत्कर्म भावना अमुचे संचित
संस्कृती अन् परंपरांचा आम्हा असे अभिमान
उच्च स्वराने, अभिमानाने आता गाऊ जय गान||
उत्साहाने प्रेरित हो तन
आकांक्षानी भारित हो मन
दृढ विश्वासाने सिद्ध करू या देशाचे यशोगान
उच्च स्वराने, अभिमानाने आता गाऊ जय गान||
अमृत योग हा करू साजरा
संकल्पाचा दिन आज खरा
उज्वल उन्नत उदात्ततेचे आम्हा असे वरदान
उच्च स्वराने, अभिमानाने आता गाऊ जय गान||
(स्वाधीनता अमृत महोत्सवाच्या पूर्वसंध्येला)
No comments:
Post a Comment